Pages

Monday, October 17, 2011

Bagong Bahay…Bagong Buhay…

 

Nadagdagan na namang ang mga hangarin ko sa buhay – Gusto kong magkaroon ng sarili kong lugar! Pak!

Sa edad kong ito, nakakahiyang isipin na nakatira pa rin ako sa isang boarding house, nagbebedspace at pinipilit makisama sa iba’t ibang klase ng tao. Nakakaumay. Okay naman ako minsan socially, kaso mas madalas, masyado akong passive, walang pakialam sa mga kasama ko sa kwarto, at minsan hindi talaga nagsasalita. Ang kamote nga lang sa pakikisama at sa pagtira sa boarding house, hindi pwede ang bisita, hindi pwede minsan magpuyat kasi natutulog ang kasama mo sa kwarto, bawal mag ingay, bawal magi wan ng mga mamahaling bagay, at higit sa lahat, kahit ayaw mo, kailangan mong makibagay sa iba.

Naranasan ko ng mabuhay, at magkaroon ng bahay na sarili ko lang talaga, kaso hindi rin siya naging masaya. Ngayon, iniisip ko kung bakit nga ba?

After ng almost four years na pagtira sa Sta Mesa, lumipat ako kasama ng isang kaibigan sa Pateros. Nakuha namin ang buong bahay sa halagang 2,000. Up and down na siya, kaso nga lang pagkapasok mo sa loob, kita mo na ang lahat. Tapos pagakyat mo sa taas, kita mo na rin ang lahat, hehe. Walang kisame kaya mainit sa tanghali, tapos ang dingding, hindi ko alam kung san gawa pero for sure sa kahoy siya. May parang maliit na balkonahe din na pwede sampayan ng damit, masarap din doon mag yosi kasi okay ang hangin. Ang balkunahe mayroon ding trapal para hindi ka kita sa loob ng bahay. Maliit lang talaga siya pero husto na sa ming dalawa nung housemate ko.

After two months, umalis si room mate, at naiwan akong mag isa.

Nung una, okay lang naman. Freedom at its finest ang pakiramdam, kaso nga lang, naging mahirap na. Since hindi ako marunong magluto, lagi akong bumibili ng pagkain, tapos pag late ako umuuwi, nakakasalubong ko pa ang mga askals sa kalsada. Iskwala at pugad din ng adik ang lugar, kaya pag medyo nalate na ako ng uwi, kabado na ako,umuuwi. Okay pa noon. Nag tag-ulan, at since mababang lugar ang Pateros, bahain ang bayan. Hindi naman ako inabot ng baha sa bahay kaso nga lang ang lahat ng dadaanan, parang extention ng Laguna Bay. Okay pa din naman.

Ang hindi lang naging okay is nung bumagyo na si Basha. Naalala ko pa yun, pang umaga ako at nakauwi ako ng matiwasay. Nung mga alas diyes na, ramdam na ramdam ko ang lakas ng hangin, nung gabing yun, sinira ni Basha ang trapal ng balkonahe ko. Since walang kisame ang bahay, pumapasok ang ulan sa lahat ng direksyon, at worst pa, nag brown out. Nung mga gabing yun, alam ko, hindi na talaga okay.

Sa tagal tagal ko sa Pateros, yun lang ang naging dahilan ng paglipat ko. Sobrang takot ko nung gabing yun. What if tinangay ni Basha ang bubong ko? What if magiba ang buong bahay? What if hindi bumalik ang kuryente? Ang daming what if? Nung gabing yun sobra kong naramdaman ang pagiisa, at ang hirap nito. Nanatiling nakatayo ang bahay ko pero ang lakas ng loob ko, dinala ni Basha sa kung saan man siya pumunta. Kamote talaga!

Ngayong nakatira ako sa isang boarding house, okay naman e. Hanggang ngayon, natatagalan ko ang lahat ng mga bawal at hindi pwedeng gawin. Pero hinahanap ko ang privacy at ang buhay na walang pinakikisamahan. Gusto kong gumising ng ayon sa katawan ko at hindi dahil may biglang nagbukas ng ilaw. Gusto kong making ng mga sounds sa cell phone ko na walang magsasabi na “pakihinaan.” Nais kong manuod ng mga gusto kong palabas sa sarili kong tv, mag dvd marathon hanggang sumakit ang mga mata ko, basahin lahat ng libro na pwedeng basahin. Gusto kong magluto ng sarili kong pagkain, magtimpla ng juice na walang manghihingi, at higit sa lahat, gusto ko ng sarili kong mundo!

Nakahanap na ako ng lilipatan. Katabing bahay nina Nate, kailangan nalang magantay ng November para at least okay na ang finances sa paglipat. Parang pamilya ko na ang pamilya ni Nate kaya siguro mas magiging okay ang experience kasama sila sa isang lugar. Mas malayo nga lang sa work, pero mas malapit sa mga kaibigan, okay na yun.

Excited na ako! Konting panahon nalang ang aantayin ko at magkakaroon na ako ng sarili kong lugar, isang lugar na matatawag ko talaga na akin, walang bawal, walang hindi pwedeng gawin, at lahat ay maayon sa lahat ng mga desisyon ko. Ngayon, gagawin ko na talaga lahat ng tama, gagawin ko na ang lahat para kahit papaano, hindi maging kagaya ng buhay ko sa Pateros ang magiging buhay ko sa V Luna.

1 comment:

  1. Taga-Pateros ka pala? Ang lapit mo lang sa 'min sa Pasig :)

    ReplyDelete