Day 11: The Remedy

Day 11 — When I’ve had a really bad day the first thing (not person) I reach for is…

No need for elaboration. Definitely the first thing I will reach for is…

Nothing but Ice Cream! I know you understand.

Cebu Lechon

Una sa lahat, hindi ito sponsored post!

Hindi ako magaling mag bida ng mga bagay bagay, pero kapag may nagustuhan ako, na alam kong worth sharing, definitely, lalabas yun dito.

The same way na kapag may hindi ako nagustuhan sa isang bagay, asahan mo, asa blog ko rin yun!

Last Wednesday, rest day ko. Since tinatamad akong gumala at siyempre nagtitipid na rin, nagdesisyon nalang akong mag stay sa boarding house at dun nalang magpahinga. Since second day na ng off ko, 10 am palang, nagiinternet na ako. Madami kasing kailangang tapusing quest sa citiville we, tapos kailangan pang panoorin ang ANTM ALL STAR sa YOUTUBE. Nung matapos na akong mag net, mga 2 pm na ata iyon, natulog ako ulet, at nagising na ako ng mga 8pm. Normal sa mga night shift ang ganitong lifestyle, believe me.

Bigla ko nalang narealize na hindi pa pala ako kumakain simula kaninang umaga. At ang huli ko pang kain was last night ng mga 9pm na ata, kaya siyempre, gutom na gutom na ako.

Ayaw ko munang magtiyaga sa worth 40 pesos na tapsilog, naisip ko, may ibang araw para doon. Nung mga oras na iyon, gusto kong makatikim ng masarap, something na I was craving for pero hindi ko alam kung ano.

So naglakad ako papuntang Guadalupe, not knowing kung ano ang kakainin, naiisip ko ng mag pizza noong araw na iyon kaso ayaw kong mabitin, gusto ko ng kanin! Muntikan ko ng lunukin ang pride ko at umorder nalang ng longganisang lucban sa Andoks ng bigla kong nakita ang kainan na ito!

Perfect! Matagal na ang restaurant na ito sa Guadalupe at hindi ko maisip bakit ngayon ko lang itatry kumain dito! Akala ko parang magiging Andok’s style ang restaurant pero hindi. Ramdam mo ang airconditioned sa loob, malinis, maraming umiikot na crew at okay naman ang ambiance.

Una kong ginawa pagpasok ay icheck ang wallet ko, may PHP 150 pa ako sa pitaka. Tama lang.

Chineck ko ang menu, madaming choices. Naisip kong parang Mang Inasal siya kasi nga puro inihaw na manok, pero something caught my attention.

Lechong Cebu! What the… matagal ko ng alam na masarap ang Lechon ng Cebu pero first time ko palang talagang makakatikim ng ganito.

So nakapagdecide na ako, Lechong Cebu. Oorder dapat ako ng Cebu Lechon Liempo kaso 20 minutes pa daw, hindi na!

I ended up eating Cebu Lechon Manok, Breast Part! Since newbie palang ako sa Chic-Boy, nagtanong ako kung magkano ang extra rice, haha, for sure kasi bitin ang isa. “Sir, Rice all you can po kami,” sabi ni Ate na asa counter. Wahaha, Lalo na akong naexcite, humanda na kayong malugi!

Umupo ako sa labas, wala na kasing vacant sa loob. Jam packed ang Chic-Boy ng gabing iyon, yung mesa nga lang na naupuan ko, walang nilalagyan ng number, wala ding condiments, pero naging pasinsyoso ako kasi nga crowded ang gabi. Rest Day ko, bawal ma stress.

Nilapitan ako ng isang babae, buntis, hindi naka uniform at tinanong ang order ko. Pakiramdam ko may ari siya nung place kasi kanina pa siya paikot ikot.

Siya ang nagserve ng pagkain ko. Nung sinerve ang food, okay naman siya, mukhang normal na Chicken BBQ kaso ang kanin, nakabalot sa dahon ng saging, shala! Naghanap ako ng parang gravy like na kasama nung meal kaso wala, wala ding kalamansi at sili na lalagyan ng toyo, ang mayroon isang clear na liquid na hindi ko alam kung ano. Obvious na confious ako kaya tinanong ako ng may ari kung ano ang hinahanap ko, siyempre newbie, “am, ano ito (habang tinuturo ang clear na substance)?” Suka pala iyon.

Never ko pang na try magsuka sa inihaw na manok, pero ANG SARAP NIYA!

Parang “Sinugba” ata ang gamit nilang suka, hindi ko sure if I heard it right, pero saktong sakto siya sa manok. Yung chicken, kakaiba ang lasa, hindi nakakaumay, masarap din.

Overall, I will give Chic-Boy a nine, naimpress talaga ako, at for sure babalikan ko sila!

***For more information about Chic-Boy, check our their website! Click here!***

Andok’s Guadalupe

Pauwi ako galing sa work kanina ng bigla akong nagutom. Pagtawid ko sa tulay ng Guadalupe, naisip ko munang kumain sa Andoks bago umuwi. 24 hours siya kaya for sure may pagkain pa, kaso pagtingin ko sarado ang airconditioned area nila kaya for sure sa taas ako kakain, kung saan ginawang beer garden ng mga taga guadalupe ang taas na part. Pero since gutom na ako, deadma na, orer na!

Okay naman ang lahat nung umorder ako, friendly ang mga staff, saka nakasmile. Sizzling Chicken BBQ at Royal ang pagkain ko kanina.

Inaanticipate ko na na madaming nagiinom sa taas pero hindi ko inexpect na kalahati lang ng buong floor nila sa taas ang bukas. Ang sahig, basa, may mga bakas ng yosi sa sahig at sa hangin, at wala pang maupuan. Mabait naman yung staff ng Andoks, hinanap niya ako ng pupwestuhan, pinunasan ang table, kaso nga lang katabi ko yung CR! Oo, katabi yung cr! Sino gustong kumain katabi ng CR! Sabi ko sa sarali ko, kalma lang. Buti nalang may mga lasing na umalis agad kaya nakalipat ako ng pwesto.

Pagkalipat ko ng pwesto, nagantay ako ng pagkain ko, after mga 15 minutes na paghahantay, wala pa din. Tinawag ko ung staff at nagfollow up, pumunta siya sa baba, pag akyat niya, nakangiti niyang sinabi sa ‘kin na, “Sir, wala po kaming pending order. San niyo po ba nakuha ito (habang nakatingin sa number)” Sabi ko sa sarili ko, kalma lang ulet, masyado pang maaga para mabadtrip, hindi ikaw dapat ang mastress sila dapat ang ma stress sa iyo. So nakangiti kong sinabi, “Kuya, Hindi ako magkakanumber pag hindi ako umorder sa baba, wala akong Royal pag hindi ako umorder sa baba, sa tingin mo, bakit ako may kutsara’t tinidor, kung hindi ako umorder sa baba?” Biglang tumakbo yung waiter pababa, pagakyat niya tinanong niya ako kung asan ang resibo ko, doon ko lang napansin na wala akong resibo, dito hindi na ako kumalma, war mode na ako! “Hindi ako binigyan ng resibo!” Tumakbo siya ulet, pagakyat niya may kasama na siyang babae sa cashier ata, Tinanong nila ako ng order ko, sinabi ko at ang sinabi lang ng cashier ay kakacall palang daw. Ibig sabihin noon, panibagong pagaantay na naman.

Since irita na ako, tinawag ko ulet ang waiter. Tinanong ko kung ano ang nangyari sabi niya wala daw nakapending dun sa lugar na pinaglalagyan nila ng order, ung parang sinasabitan ng resibo. Tinanong ko siya kung gaano katagal pa, sabi niya “paantay antay lang po.” Sabi ko, kanselin nalang yung order kong chicken, yung royal nalang ang babayaran ko kasi naimom ko na siya. Siyempre hindi siya papayag, kasi napunch na daw, e kung siya kaya ang ipunch ko, haha!

After 20 minutes, dumating na din ang pinaglalaban ko, kaso wala pa din akong resibo! Tinanong ko yung nagdeliver, hindi ako pinansin, tinatawag ko yung waiter, ayaw din akong pansinin. Badtrip na talaga ako, pero saglit lang, kakain muna ako. Hindi ko rin naenjoy ang pagkain ko, kasi ang alam ko sa sizzling, kumukulo dapat ang gravy niya. Ung sizzling ko, malamig, ung chicken may konting dugo pa, kaya di ko na inubos. Gantihan na ito!

Pagkatapos kong kumain, nilapitan ko yung snob na waiter, hinanap ko ang resibo ko, hindi niya alam. Kapag sumagot pa siya, eksena na talaga ang gagawin ko, so kalmado ko pa ring sinabi na kailangan ko ng resibo ko. Sabi niya sa cashier nalang daw, so baba ako, pagbaba ko nakita ko yung cashier na nagtake ng order ko at hinanap ko ang resibo ko. Sinabi niya sa kin, “Sir, nawala po kasi yung resibo niyo we," WRONG ANSWER! Sinagot ko siya na “paano yanm kailangan ko ng resibo ko?: May kasama na ata siyang parang bossing niya, habang natataranta yung cashier, siya na ang kumausap sa akin para itanong kung okay lang ba na i O.R. yung order ko, kasi daw baka nilipad lang yung resibo ko. WRONG STATEMENT ULET! Sinabi ko, “Kaya tumagal ang order ko? Kasi nililipad ang mga resibo niyo?” Nagmadali silang kumilos dalawa, yung cashier sa pagsusulat ng O.R. ung bossing sa pagsigurado na nakuha ko yung order ko. Tapos bigla kong sinabi na, “alam nu pwede ko kayong ireklamo sa ginagawa niyo! Wag na wag niyong iwawala ang resibo kasi dahil doon, sinasayang niyo ang oras ko! Next time, ayusin niyo ha!” Pagkakuha ng resibo ko, walk out agad.

Hindi naman ako masamang customer we, pero pag may mga masamang pangyayari, kahit ang pinakamabait na tao, nagiging irate din!