Pages

Tuesday, August 16, 2011

Ang Kwento ng 10,000 Cedis

Kareresign lang ni Lorena sa company namin last January (ata). Actually, hindi na sila nagabot ni Dave. Makulit si Lorie, nakakatawa, matapang, palaban, at sobrang nagjijive kami sa kalokohan. Malungkot din nung nagresign siya, kasi wala na akong partner in crime sa office, pero we always do our best to keep in touch, lagi kaming magkachat sa ym, magkatext, at minsan naguusap sa phone. Lahat ng tsismis sa office, kahit wala na siya sa company, alam pa din niya dahil sa kin. Palagi kaming updated sa mga nangyayari sa aming dalawa, at minsan may mga nakakatawa pa ding pangyayari kahit na hindi na kami magkasama sa isang opisina.

Nangyari lang ito last Friday, normal lang ang lahat sa office. Ng biglang nagchat si Lorie,

Lorena: Buzz!

Lorena: Ano na?

Ako: Uy! Ito ganun pa din. Kamusta?

Lorena: May alam ka bang money changer?

Ako: Haha… so nagpapapalit ka nalang ng pera ngayon? (Wala pa kasi siyang work kaya nagbibussiness siya)

Lorena: Hindi, kasi chineck ko ung isang wallet ko, madaming pera ng ibang bansa, e nung chineck ko ung isang value ng cedi e 27 pesos per 1 cedi, e nung binilang ko, aabot siya ng 270,000 pesos.

Biglang natigil ang mundo ko ng makita ko ang 270,000 sa chat box ko. Deadma muna sa trabaho. Concentrate muna sa chikahan with Lorena. Kaya ang sunod kong reply sa kanya ay:

Ako: Weh? Hahaha…. Wait hindi ko gets ano ang cedi? Cedi ang munting prinsipe? Hehe…

Agad agad, nagbukas ako ng wikipedia para malaman kung ano ang pinagsasabi ni Lorena. Habang nagloload ang screen bigla siyang nag chat na:

Lorena: Cedi is ang monetary curency ng Ghana! hahaha…

Swear, gusto kong mag summersault nung nabasa ko yun. Tawa ako ng tawa dahil of all the currency na pwedeng mapunta sa kanya, bakit ang Cedi pa? 10,000 Cedis pa ang mayroon siya. Hinayaan kong magpatuloy si Lorena sa pagchachat. Sabi niya, binigay daw sa kanya ng isang kaibigan ang ganung kalaking halaga. Nakita niya yung pera nung nililinis niya ang luma niyang wallet. Nung nalaman niya na malaki ang value noon, dali dali siyang naginternet para lang makakuha ng information about sa currency at kung paano mapapalitan ang pera. Sabi ko, try niya sa mga banks, nakapagemail na siya. Nagpost na rin siya sa yahoo answers para malaman kung mayroon ba talagang palitan doon. Hanggang sa sinabi niya sa akin na itatry daw niya sa central bank, at kung pwede ko siyang samahan. Hahaha… Sabi ko na nga ba e!

Naging serious na ang mga susunod na nangyari. Daming pumasok sa isipan ko. Iniisip ko kung paano nga kung mapapalitan namin ang perang iyon sa ganoong halaga? Pak! Winner! Paano naman kung hindi? Okay lang, at least we’ve tried. Paano kung kwestionin kami ng BSP kung saan namin nakuha ang ganoon kalaking halaga, at idetain nalang kami, tapos bigla kaming lumabas sa news? Oh my, kahihiyan!

Sinabi ko nalang muna sa kanya na antayin ang mga reply ng mga banko na inemail nia, sabi ko din na magemail na rin siya sa BSP para sure. Hehe… Supportive ako na friend we, pati sabi ko sa kanya bilhan niya ako ng laptop pag napapalitan namin. Hehe…

Kagabi, magkachat na naman kami. Siyempre pinaguusapan pa din namin ang 10,000 cedis. Ayon sa mga reply sa kaniya, sinabi ng mga banko sa kanya na hindi daw nila napaplitan ang ganoong currency, try daw niya sa central bank. Nagreply din ang central bank, na hindi daw parte iyon ng mga currency na pinapalitan nila, try na daw niya sa Ghana Consulate (Wow, diba? May ganito pala sa Pinas). Nagemail na siya sa Ghana Consulate, at ito ang reply sa kaniya:

“As consulates, please be advise that we don’t exchange currency here in the office.”

Nung sinabi niya sa kin ito, sabi ko tanungin niya, kung san pwede papalitan. Hopia ako we, gusto kong magkalaptop! Ito ang reply,

“I’m sorry, but I also don’t know where you can change it because its something that we never encounter.”

Pak na pak ang reply! Sinabi ko nalang kay Lorena na huwag na kaming tumuloy! At siyempre sa desktop ko pa din sinusulat ang post na ito!

2 comments: