Pages

Tuesday, August 16, 2011

Saan Ka Nagwowork?

Tuwing mayroon kang bagong kakilala, after kang tanungin ng mga basic stuff like pangalan, edad, at kung san ka nakatira, hindi maiiwasan na tanungin ka nila ng ganito.

San ka nagwowork?

Normally, isasagot ko nalang, “Remittance Firm.Clueless si interviewer. Ang ending sasabihin ko nalang, “Parang Western Union, pero saHead Office ako.” Akala mo tapos na ang kalbaryo ko, hindi pa. Pagkatapos niyan, ito naman,

Anong work mo doon?

Haist… Sa mga panahon ngayon, hirap na hirap akong sagutin ang tanong na yan. Kasi minsan ang hirap ipaliwanag ng trabaho ko. Don’t get me wrong, alam ko naman, kaso siyempre kapag ibang tao na ang nagtatanong, mahirap ng magpaliwanag.

Gaya nga ng sabi ko, nagtatrabaho ako sa head office isang Remittance Firm. Ang trabaho ko ay may halong pagiging inbound at outbound call center agent, email support agent, chat support agent, may accounting function, foreign exchange function at higit sa lahat decision making function. May mga branches kasi ang company namin sa abroad kaya parang ako ung middle man between our head office at ng mgaforeign offices namin. Lahat ng problema nila, problema namin! Mula sa mga software na hindi gumagana, mga customers na hindi makapagwithdraw sa card, mga transaction na hindi makuha sa mga mlhullier, at mga nilalang na hindi mo alam kung bakit pa pinapadalhan ng pera, kami ang nagaayos noon! Kami din ang nagsasabi sa mga offices naming abroad ng mga balita dito sa Manila. Promos, advisories, tsismis, etc, amin yun! Kami ang nagrerelay noon! Diba ang kaunti ng trabaho ko? Isipin mo nalang isa kang alalay kung saan lahat ng pwedeng maging boss mo, magiging boss mo! Ayun, ganoon ang trabaho ko! Hehe…

Sabihin na natin na nakuha ko na talaga ang dream job ko, ung tipong asa office ka lang, giniginaw, nakaupo buong shift mo, tapos nagiisip. Hindi mo na kailangan iprogram ang utak mo na sa bawat tanong na pwedeng ibato sa iyo, may sagot. Hindi kailangang ipagpilitan ang mga customer service jargons. At hindi kailangang maconsious sa accent, intonation at diction kasi pinoy naman ang kausap mo. Minsan kahit isipin mo na ang kausap mo nalang sa telepono ay ang nanay mo, pak na pak na!

Masaya ako sa trabaho ko, kasi alam ko na kahit papaano, nakakatulong ako sa mga kababayan ko. Yung tipo ba na alam kong mga bayani (OFW) ang nasusuportahan ko. Hindi na ako nagpapaalipin sa mga kano. Though, hindi ganung kataas ang sweldo, okay na rin kasi nasusuportahan naman ng trabaho ko lahat ng kaartehan ko we. Though mas mahaba ang oras ng trabaho, okay din lang kasi sa min, pag sinabing busy, BUSY ka talaga! Kapag sinabi namang petiks, kulang nalang magdala ka ng unan at kumot at matulog buong shift mo. Petiks ako ngayon kaya ako nakakapagsulat! Haha…

Pagkatapos kong sulatin ito, naisip ko na ang isasagot ko kapag may nagtanong ulit ng “ano ang work ko?” Isa lang, TUMUTULONG AKO SA MGA OFW. Pak!

2 comments:

  1. mas mahirap i-explain yung akin.. haha.. kakasawa mag-explain minsan

    ReplyDelete
  2. hahaha... Tama nga naman ron, kaso siyempre diba minsan, hindi mo rin maipaliwanag ng maayos. :)

    ReplyDelete