Pages

Sunday, August 21, 2011

Sa Isang Pangarap

Nung bata pa ako, simple lang ang pangarap ko. Gusto kong maging Civil Engineer kasi yung kababata kong mayaman, Civil Engineer ang tatay, taon taon atang nagpapagawa ng bahay kaya gusto kong maging Engineer. Kaso nga lang hindi ako marunong mag drawing kaya binago ko nalang ang pangarap ko.

Gusto kong maging reporter! Oo, reporter sa TV. Addict kasi ako sa 5 AND UP dati, tuwing sabado titigil ang mundo kapag 5 and up na, walang pwedeng maglipat ng tv o magutos sa kin ng kahit ano, malaking gulo pag may gumulo sa panonood ng 5 and up ko. Seriously, nakakainggit kasi ang mga reporters ng palabas na yun. Nagagawa na nila ang mga bagay bagay na hindi nagagawa ng mga ordinaryong bata, nakakapunta sila mga lugar, nakakakain ng mga kakaibang pagkain, at marami pang iba. Nakakainggit ang mga ginagawa nila. Dati hinanap ko pa talaga kung paano makapag-audition sa palabas na yun kaso nung nalaman ko na hindi kakayanin ng mga magulang ko ang pagsali ko sa palabas na yun, tinigil ko na rin ang pangarap na yun.

Nung high school naman ako, nagexcel ako sa chemistry. Seriously, iyon lang ata ang subject na nagustuhan ko bukod sa social studies. Kaya pinangarap ko namang maging Chemical Engineer, kasi pakiramdam ko mageexcel ako doon. Sabay tingin sa mga paaralan na nagooffer ng course na yun, UP, UST, MAPUA and ADAMSON ata ang mga school na nagtuturo lang noon. Kaso bagsak ako sa UP, hahaha! Paalam munting pangarap.

Hanggang sa ang nagging pangarap ko nalang ay ang magkadiploma para magkatrabaho agad ng magkaroon ng pera. Bahala na kung anong course ang mahalaga makapagwork agad!

Siguro ganoon lang talaga. Minsan ang mga pangarap natin, hindi natin matutupad pero kailangan pa rin natin para maging gasolina sa ating mga tagumpay. Nung bata pa ako, ang dami kong pangarap, at kahit isa sa kanila wala akong natupad. Pero hindi na rin masama, kasi ngayon iniisip ko nalang kung hindi ako nagkapangarap noon, hindi ako makakarating sa kung anong mayroon ako ngayon. Kung walang pangarap ang isang tao, walang saysay ang mga ginagawa niya.

Ngayon ang pangarap ko nalang yumaman, makabili ng mga gadgets na uso, makakain ng mga pagkain na favorite ko, makapagtravel, yun nalang talaga! Mahirap abutin, pero pag uunti untiin, kakayanin!

Ikaw, anong pangarap mo?

3 comments:

  1. To live a happy gay life with Oreo na daig pa ang tambalang Neil Patrick + David :)

    ReplyDelete