Pages

Thursday, October 20, 2011

Anniversary

Nagsimula akong mag blog sa Friendster pa noon. Mga kung ano ano lang, may masulat lang, mga kaemohan, at kung ano ano pa. Sayang nga wala na ang Friendster ngayon, hindi ko tuloy marepost ang mga nasulat ko dati dito, hehe. Tapos nagkaroon pa ako ng Live Journal, kaso hindi ko na maalala ang password ko. Alam ko pangalawang blog ko na ito sa Blogger, yung una, alam ko dinelete ko, kasi alam ko hindi ako magiging kasing galing magsulat ng mga nababasa ko dati.

Kanina, napansin ko na ginawa ko ang blog na ito nung March 25, 2009. Binasa ko ulet ang kauna unahan kong post, ito ang mga panahon na hirap na hirap na ako sa pagiging QA sa isang call center.

Kung tutuusin, hindi naman iyon macoconsider na isang blog anniversary, kasi parang magiging madaya na mag ti-three years na ang blog ko, tapos wala pang isang daan ang post ko, haha! Unfair sa mga sobrang pinagtuunan ng pansin ang kanilang site sa magulong mundo ng world wide web, hindi makatarungan, at higit sa lahat, napaka mediocre (wow.).

Hanggang nagkaroon ako ng lakas ng loob na sumulat ulet.

Kaya ngayon, naglagay ako ng bagong date ng anniversary. Gagawin ko ito sa unang araw na nagblog ako ulet, sa unang araw na naisip kong isulat lahat ng mga kaartehan ko, at ito ay April 26, 2011! Pak!

No comments:

Post a Comment