Pages

Saturday, October 15, 2011

The Winner Stands Alone

How far will you go to win something?

Ako, alam ko I will fight tooth and nail if I really want something. Tawagin na akong ambisiyoso pero pag gusto ko ang isang bagay, gagawin ko ang lahat. Madami akong pangarap, gusto kong maging mayaman, makapagtravel sa buong mundo, makain lahat ng klase ng cheesecake, matutong lumangoy, mapagpatayo ng bahay sa province, at kung ano ano pa. Sobrang dami kong gustong gawin na halos lahat ng oras na bored ako, nangangarap ako. Sino ba naman hindi naghangad ng mas maayos na buhay? Lahat tayo may pangarap na gustong maabot, may gustong gawin, may hinahangad sa sarili at sa mga mahal natin sa buhay. Lahat tayo, ambisyoso, kaya masayang isipin na hindi ako nag-iisa. Hehehe.

Reading the book will give you another perception about dreams and dreaming. Pagkatapos ko siyang basahin, sobrang kinilabutan ako. Bukod sa suspense ang book, it will give you an idea kung anong klaseng kang ambisyoso, este dreamer pala. Ibibigay din sa iyo ang mga klase ng pangarap: mga pangarap na mabuti, pangarap na masama, pangarap na may pinanghuhugutan, pangarap na gagamitan ng talent, pangarap para sa family at sa bayan, pangarap na kakaiba, at pangarap na iba sa pangarap ng iba. Ipapakita din ang mga consequences nito, both good and bad.

Ipapamukha din sa iyo ng book na sobrang hindi perfect ng buhay. Set in Cannes Film Festival, marerealize mo na mas malaki ang problema ng mga nasa limelight kumpara sa mga bagay na normal nating pinoproblema. Ayaw ko na tuloy maging sikat. Hehe. Ayaw kong maging sikat sa mga maling dahilan. Minsan kasi, hindi naman kasikatan ang lahat ng bagay ang mahalaga, nangangarap ka at gusto mo ang ginagawa mo.

Yun lang naman ang aral ng libro we. Mangarap ka at gawin mo ang lahat para makamtam yun. At pag nakamtam mo iyon, ienjoy mo! Deadma na kung masama o mabuti ang pangarap mo, sa libro, pinakita ng mga ambisyoso ang mga gagawin nila makuha lang ang gusto nila, kahit pumatay pa sila ng tao, tumakbo ng malayo, masaktan, mabigo, mawalan ng minamahal, bumuka man ang lupa, basta gusto nila gagawin nila. Naalala ko tuloy ang sinabi ng bading kong boss nung nag o OJT ako, “In everything you do, no matter how big or small it is, just do your best.”

After reading the book, marerealize mo na ang buhay, hindi naman always about winning it, its always how you played the game.

Rating is 10, like any other Paulo Coehlo book, sobrang bongga ng book!

1 comment: